Откриено најголемото наоѓалиште на ретки метали во Европа, oва може да биде пресвртница

Норвешката рударска компанија „Rare Earths Norway“ објави дека го открила најголемото европско наоѓалиште на високо ценети ретки земјени метали, што може да претставува пресвртница за оваа земја и за целиот регион.

Компанијата проценува дека има 8,8 милиони тони оксиди на минерали од ретки земји на локацијата Фен на југоистокот на Норвешка и верува дека изгледите за експлоатација се поволни.

Како што е наведено, истражните работи на ова место ќе продолжат, а дополнително дупчење е закажано за следниот месец.

Компанијата очекува да започне првата фаза од рударските работи до 2030 година. Тоа е еден од ретките сајтови кои не се во сопственост или контролирани од Кина, пренесува CNBC.

Се очекува дека побарувачката за ретките елементи во земјата ќе расте експоненцијално во наредните години поради енергетската транзиција, а со помош на ова наоѓалиште Европа би можела да ја намали зависноста од Пекинг.

Share on Facebook

Tweet

Follow us

Save