Реприза: По два обиди повторно не е избран претседател на бугарскиот парламент

50-то Национално собрание на Бугарија не избра спикер во два круга на гласање, пренесе БГНЕС.

Првично, номинации добија четворица кандидати – Раја Назарјан од ГЕРБ-СДС, Петар Петров од „Вазраждане“, Силви Кирилов од ИТН и проф. Јулијана Матеева од „Величие“.

Силви Кирилов и Јулијана Матеева беа елиминирани по првото гласање. Следеше вториот круг помеѓу номинацијата на ГЕРБ-СДС и „Вазраждане“.

Адвокатот од партијата на Костадин Костадинов не ја доби потребната поддршка. За него гласаа 41 пратеник, против беа 112, воздржани 85.

Во вториот круг за Назарјан од ГЕРБ-СДС гласаа 114 пратеници, 70 беа против.

Во подоцнежното прегласување „за“ гласаа 115, „против“ 69, а воздржани 53.

Претседавачот најави пауза од 30 минути. Првиот состанок на Националното собрание не завршува додека не се избере претседавач.

Share on Facebook

Tweet

Follow us

Save