Голем пожар избувна во близина на селото Марвинци, валандовско

Голем пожар на отворено избувна денеска близу археолошкиот локалитет „Исарот“, веднаш над селото Марвинци во Општина Валандово. Постои опасност да се прошири кон селото, а во близина на пожарот има штали.

Како што информираа од Центарот за управување со кризи (ЦУК), пожарот зафатил сува трева и прнар, на терен го гаснат три против пожарни возила и 8 пожарникари, а на помош се повикани и пожарникари од ТППЕ Гевгелија со едно против пожарно возило.

Според информацијата од градоначалникот на Валандово, Перо Костадинов, пожарот е пренасочен и пожарникарите не дозволуваат да се прошири кон селото Марвинци.

Инаку, на територијата на Општина Валандово има уште еден активен пожар во селото Чалаклија, а вчера имало пожар меѓу селата Пирава и Јосифово.

Share on Facebook

Tweet

Follow us

Save