Се јави и таткото на пцујачот Даку: Син ми не заслужува да биде исфрлен од првенството
Албанскиот фудбалер Мирлинд Даку беше мета на остри критики откако ги пцуеше Србите и Македонците по натпреварот на неговата репрезентација против Хрватска на Европското првенство во Германија. Тој веќе заработи парична казна од својот клуб Рубин Казан, а сега проговори и неговиот татко.
– Мирлинд е емотивна и експлозивна личност. Тоа не го направи намерно и веќе се извини. Не верувам дека ќе се прости од ЕП. Погрешно е да се повикува на масакр на Срби, син ми ќе знае дека згрешил. Знаете каква поддршка има во Хрватска, Словенија и сега – во Русија; сите го знаат неговото однесување како фудбалер. Го понесоа емоциите, не заслужува да биде отстранет од турнирот – изјави неговиот татко Фехми Даку за руските медиуми.
Мирлинд се фотографираше со затворениот косовски новинар Арлинд Садику, кој исто така испрати националистичка порака пред натпреварот со Шпанија, прикажувајќи двоглав орел.
