Европскиот фронт ја напушти салата пред да се гласа за новата Влада

Европскиот фронт ја напушти седницата пред гласањето на новата Влада. Изразуваме револт што ова мнозинство го почнува првиот ден со обид да се спречи слободниот говор на пратеник.

-ВМРО заедно со нивните слуги и вазали од ВЛЕН на говор на еден пратеник пријавија 42 реплики. Ако вака мислат дека ќе оневозможат да се каже тоа што е вистина, нема да успеат. Само ќе ни дадат повеќе сила и ние ќе го браниме легитимитетот што го добивме. Првиот легитимитет нумерички кај Албанците и другите етнички заедници е на европскиот фронт, 30.000 гласа повеќе. Исто и во пратеници 14 со 18 и со изборен инженеринг,вели Села.

-Кога не се држиш до главните верувања кои ги имаш дадено кај граѓаните, тој ден го губиш добиениот легитимитет. Никаде во програмата на Мицкоски не постои збор албански, турски, ромски и слично. Нема ниту една реченица од програмата на ВЛЕН, додаде Села.

Во Собранието денес продолжува расправата за гласање на новата Влада.

Мандатарот и претседател на ВМРО-ДПМНЕ, Христијан Мицкоски, пред пратениците ја презентираше владината програма. До вечерва Македонија ќе добие нова Влада.

Share on Facebook

Tweet

Follow us

Save