Писонеро: Европскиот пат зависи од уставните измени

Европската унија ќе работи одблизу со новата македонска влада за спроведување на реформската агенда и продолжување по евроинтегративниот пат. Сепак, од Брисел со порака, Македонија се обврза на уставни измени.

„Од наша страна, му честитавме на премиерот Мицкоски и на новите министри по формирањето на коалициската влада во Северна Македонија. ЕУ тесно ќе соработува со новата влада за да постигне напредок во значајните реформи и да го унапреди патот на Северна Македонија кон ЕУ, мислам дека пораката е јасна“, изјави портпаролката на Европската Комисијата за соседска политика и проширување Ана Писонеро.

Писонеро посочи дека Северна Македонија мора максимално да го искористи моментумот што постои за проширувањето за да продолжи одлучно на својот пат кон ЕУ. Сите добро знаете дека Европскиот совет јасно кажа што очекува од Северна Македонија. И очигледно ова е поврзано и со уставните амандмани што Северна Македонија суштински се обврза да ги направи за да може да оди напред на својот пат кон Европската Унија, нагласи портпаролката на ЕК.

Share on Facebook

Tweet

Follow us

Save