Медведев им го честита 4 јули на Американците

Заменик-претседателот на Советот за безбедност на Русија, Дмитриј Медведев, им го честиташе Денот на независноста на Соединетите Американски Држави и им предложи на Американците да го погледнат украинскиот конфликт низ објективот на граѓанската војна која траеше од 1861 до 1865 година.

– Америка е земја со кратка историја, но има светли страници. Една од нив е токму граѓанската војна, при која беше поразено ропството – напиша Медведев на Телеграм.

Според Медведев, конфронтацијата меѓу северните држави на САД и јужната Конфедерација на американски држави има паралели со конфликтот во Украина. Имено, како што објасни Медведев, разликата меѓу индустрискиот потенцијал и човечките ресурси на двете завојувани страни била доста слична на онаа во Москва и Киев.

– Идеалите на противниците беа остро различни. Северните имаа еднаквост, слобода, еден закон за сите. А на југ, нехуманост и расизам. Токму од овој агол преку океанот треба да ги толкуваат нашите настани – т.е. граѓанска војна на една нација, во која мнозинството е принудено да ја брани својата независност со оружје, борејќи се против новите нацисти, кои ги поддржува корумпираната Европа и американскиот воено-индустриски комплекс – објасни Медведев.

Заменик-претседателот рече дека резултатот од конфликтот во Украина, како и од граѓанската војна во САД, треба да биде „оживување на Голема Русија“.

– Еј, Американци! Да го парафразирам вашиот (поранешен американски претседател Доналд) Трамп – Направете ја Русија повторно голема! – заклучи Медведев.

Share on Facebook

Tweet

Follow us

Save