Столтенберг: Ќе донесеме важни одлуки за иднината

Меѓу главните теми како што соопштија генералниот секретар на Алијансата во заминување, Јенс Столтенберг и државниот секретар на САД, Ентони Блинкен, ќе бидат поддршката за Украина, соработката на сојузниците во одбраната, но и односите со сојузниците во Азија и Пацификот.

„Овој самит ќе биде самит на кој ќе го прославиме најуспешниот сојуз во историјата. Но, исто така ќе донесеме важни одлуки за иднината. Во поглед на одбраната, за Украина, за партнерствата во Азија и Пацификот и секако, ништо од ова немаше да биде возможно без водството на САД. “, изјави Столтенберг.

„НАТО беше најуспешниот одбранбен сојуз во историјата на светот. Но, исто така, останува критички важен сојуз движејќи се напред и затоа голем број на земји сакаат да станат членки. Тоа е фундаментално и основно, се работи за спречување на војни, за обесхрабрување на конфликт, се работи за тоа да ги направиме нашите луѓе побезбедни и посигурни за да можат да прават се што е потребно за да изградат силни и отпорни земји со можности и со напредок кој би го споделиле со други луѓе.“, порача државниот секретар на САД, Ентони Блинкен.

Share on Facebook

Tweet

Follow us

Save