Зеленски: Орбан не може да посредува меѓу Украина и Русија

Украинскиот претседател Володимир Зеленски изјави дека унгарскиот премиер Виктор Орбан не може да посредува меѓу Русија и Украина со цел да се стави крај на 28-месечната војна бидејќи тоа е задача што може да ја преземат само светските сили како Кина, САД или ЕУ.

Орбан ги посети Киев и Москва на разговори минатата недела, а денеска се состана со кинескиот претседател Си Џинпинг, нарекувајќи го неговото неочекувано патување во Пекинг трета етапа од „мировната мисија“.

Додека светските лидери се подготвуваат да одат на самитот на НАТО, кој започнува утре во Вашингтон, украинскиот претседател Зеленски рече дека само моќни економии или земји со вооружени сили многу посилни од руските, можат да ја извршат задачата за посредување.

„Има ли многу такви земји во светот? Нема. Верувам дека САД и Кина се такви земји. И ЕУ, не една земја, туку целата Европска унија. Тоа навистина може да биде мисија за посредување“, рече Зеленски на прес-конференцијата одржана за време на посетата на соседна Полска.

Share on Facebook

Tweet

Follow us

Save