Кејт Мидлтон утре ќе присуствува на машкото финале на Вимблдон

Принцезата од Велс, Кејт Мидлтон утре ќе присуствува на машкото финале на Вимблдон, потврдија од Кенсингтонската палата.

Тоа ќе биде второ појавување на Кејт Мидлтон во јавноста откако во март објави дека боледува од рак, пренесува Sky News.

Откако објави дека боледува од рак, принцезата за прв пат беше присутна во јавноста на 15 јуни, на настанот „Trooping the Color“.

Таа во март објави дека од февруари прима превентивна хемотерапија, но не прецизираше за каков вид на рак се работи.

Пред нејзиното прво појавување во јавноста, Кејт Мидлтон рече дека се надева дека „ќе биде на други јавни настани планирани во текот на летото“, но не може да потврди ништо со сигурност.

Share on Facebook

Tweet

Follow us

Save