Светот ќе има 200 милиони луѓе помалку на крајот на 21 век

Во новото издание на извештајот „Перспективите на светската популација“, кој ОН го објавуваат на секои две години, се наведува дека светското население ќе порасне од 8,2 милијарди во 2024 година на максимумот од околу 10,3 милијарди во 2080 година, за потоа да се намали на околу 10,2 милијарди на крајот на векот.

Во претходното издание на извештајот, од 2022 година, се предвидуваше дека глобалната популација ќе достигне максимум 10,4 милијарди во 2080 година и ќе остане на тоа ниво до 2100 година.

„Демографскиот пејзаж еволуираше во голема мера“, рече заменик-секретарот на ОН за економски и социјални прашања Ли Џунхуа, додавајќи дека нешто побрзо опаѓање на стапката на наталитетот е забележано во некои региони со висока плодност, објави денеска Фајненшл тајмс.

Во повеќе од половина од земјите, просечниот број на живородени по жена е веќе под 2,1, што е нивото на кое популацијата е стабилна.

Share on Facebook

Tweet

Follow us

Save