(Видео) Страшна снимка од градоначалникот на Ново Село: Гори насекаде околу нас чекаме да не евакуираат!

Во драматично обраќање преку фејсбук градоначалникот на Ново Село, Ѓорѓе Божинов заедно со тим на пожарникари од ТППЕ Струмица и неколку цивили побара помош да бидат евакуирани од местото на пажарот над селото Бадилен каде од сите страни се заробени од огнената стихија.

-Од сите страни околу нас гори и очекуваме двата хеликоптери кои го гаснат пожарот да изгаснат еден негов дел за да можеме да се евакуираме или да дојдат по нас да не земат, бидејќи сите копнени врски се прекинати, изјави Божинов.

-Во моментот сме опколени од сите страни над Бадилен и ни се прекинати сите копнени врски. Очекуваме да дојдат уште 2 хеликоптери да продолжат со гасење за да може да се евакуирам, напиша тој на Фејсбук.

Како што изјави Божинов тие се опколени од огнот во радиус од 500 метри и очекуваат што обргу да бидат извлечени.

Share on Facebook

Tweet

Follow us

Save