Спасувачите еден час се обидувале да го оживеат: 12 годишно момче денеска се удави во базен во познат аквапарк во Хрватска

Во местото Велика, недалеку од Пожега во Хрватска, во познатиот Аквапарк Shhhuma се удави дете, објавуваат хрватските медиуми. Неофицијално се дознава дека се работи за 12-годишно момче.

Полицијата соопшти дека денеска во 12 часот и 33 минути во Центарот за оперативни комуникации на СВР Пожега-Славонска е пријавено дека дете се удавило во базените во Велика.

На местото на настанот, екипа на Заводот за итна медицинска помош на Пожешко-славонската жупанија извршила реанимација на детето, но за жал по обидот за реанимација било констатирана смрт кај детето.

По утврдување на сите околности на споменатиот настан, ќе биде поднесен посебен извештај до надлежниот Жупаниски државен правобранител. Како што неофицијално дознава локалниот портал Пожески.хр, починатото момче е родено во 2011 година.

Според соговорниците на тој портал, тој дошол на екскурзија, а половина час откако пристигнал се удавил. Спасувачите еден час се обидувале да го оживеат, но за жал не можел да се спаси.

Во текот на попладневните часови се јави и сопственикот на јавниот базен ВИНОТА д.о.о.

„Поради трагичниот настан што се случи на 18 јули 2024 година во нашиот комплекс со базени во Велика кај Пожега, длабоко жалиме за загубата на животот на дванаесетгодишното момче. Изразуваме искрено сочувство до семејството на починатиот, неговите пријатели и сите погодени од оваа несреќа.

Свесни сме дека овој трагичен настан ја вознемири јавноста и сакаме да ја потврдиме нашата целосна подготвеност за соработка со надлежните органи за да се утврдат сите околности кои довеле до оваа трагедија. Обезбедувањето на безбедноста на сите наши посетители е секогаш наш главен приоритет и ги преземаме сите неопходни мерки за одржување на највисоките стандарди за безбедност и квалитет.

Ние постојано ги прилагодуваме и подобруваме сите наши процеси за да обезбедиме максимална безбедност и удобност за нашите посетители. И покрај нашите напори и долготрајната реанимација, за жал, не беше можно да се спаси животот на момчето.

Share on Facebook

Tweet

Follow us

Save