Ристо Димитров – Успешен спортист и бизнисмен кој сега живее во Оман: Сум ја претставувал Македонија низ цел свет, не сум добил ни благодарам за возврат!

Ристо Димитров е македонски спортист, кикбоксер, роден на 31.08.1985 година во Битола, Р.Македонија, а од 2017 година живее и работи во Султанатот Оман.

– Со спорт активно се занимавам од мои 16 години, кога започнав да тренирам кикбокс и оттогаш ми се роди љубовта кон боречките спортови, за неколку години подоцна да почнам да се натпреварувам и во мешани боречки вештини (ММА), џудо, бразилско џиу-џитсу, борење и спортско и борбено самбо.
Како дел од мојата кариера како професионален мма борец сум настапувал на повеќе меѓународни турнири и сум бил дел од некои од најпрестижните светски промоции во тој спорт. Член сум на македонската репрезентација во спортско и борбено самбо и како дел од неа неколку пати сум ја претставувал Р.Македонија на светски првенства во многу силна конкуренција. – вели Димитров.

– Паралелно со развивањето на мојата професионална кариера, исто се развиваа и ММА и џудо клубот на кои сум основач и главен тренер. Низ годините, Џудо Клуб „Чурин“ и „Игор ММА“ со седиште во Битола забележаа значителни резултати на многубројни државни, балкански и интернационални натпревари и собири. Од сите мои настапи, борби и претставувања би сакал да издвојам неколку, а тоа се:

2013 година, Скопје – АDCC Macedonian Open, златен медал

2015 година, Мароко – Светско првенство во борбено самбо, прв
репрезентативен настап

2016 година, Бугарија – Светско првенство во борбено самбо

2016 година, Битола – шампионски појас на ISFA промоцијата

2016 година, Битола – Спортист на град Битола

2017 година, Грција – трет настап на Final Fight Championship, против
легендарниот Робин Ван Русмален

2017 година, Дубаи – Dubai International JiuJitsu Pro, златен медал

2018 година, Кувајт – Wawan Grapling Championship, златен медал

2019 година, Хрватска – шампионски појас на Baraber Fight Night

2023 година, Битола – специјално признание за посебен придонес во спортот,
доделено од Општински сојуз за спортови

2023 година, Ерменија – Светско првенство во борбено самбо – вели Димитров.
– Целото ова искуство и знаење ми овозможи сериозно да се занимавам со
професијата тренер во 2017, кога се приклучив на тимот на УФЦ во Мускат, Оман, а и
подоцна со сопствената компанија. Во текот на сите овие години, забележав
значителен придонес во развојот на боречките спортови во Оман, а воедно станав
партнер и нивни претставник во неколку интернационални боречки федерации. Целата напорна работа конечно вроди со плод минатата година кога се стекнав со
инвестициски статус и ја основав Димитров СПЦ, каде сум и генерален директор. – вели Димитров за Инфомакс.

Компанијата се занимава со повеќе дејности, меѓу кои увоз-извоз, консалтинг услуги и она по кое сме најпознати, се ексклузивни персонални тренинзи. Дел од клиентите вбројуваат членови на кралските семејства на Оман и Јордан, истакнати ликови од локалната политичка сцена, како министри и нивни блиски соработници, како и познати спортисти и олимпијци, за чија што општа физичка подготовка, кондиција и припреми пред важен настап се грижам токму јас. Иако релативно млада компанија, сепак за кратко време остваривме големи успеси и соработки, учествувавме на многу саеми и собири низ регионот, а во моментот работиме на неколку големи проекти за кои се надеваме дека набрзо ќе откриеме повеќе, вели Димитров.

– Во слободното време, рекреативно се занимавам и со трчање градски и ултра маратони, планински трки и трки во пустина, како и редовно учество на популарните Спартански трки. Имам освоено две Спартански трифекти (тоа е успешно завршување на сите три трки во еден циклус) и скоро дваесеттина медали од сите трки поединечно, на 5,10 и 21 километар, со 20, 25 и 30 пречки соодветно. Благодарение на вкавите резултати, во 2020 се квалификував и бев поканет да
учествувам на Светското првенство во Спарта, Грција, кое за жал не се одржа поради
пандемијата. Сум учестувал и успешно сум завршил десетина градски маратонски трки, како кај нас во Македонија, така и тука во Оман. Од нив, како најголем успех би сакал да ја издвојам успешно завршената „Химам Трејл Ран“ и истрчаните 110 километри на повеќе од 2000 метри надморска висина, како и учеството на минатогодишниот ултра маратон на Пелистер, кој ми е посебно драг затоа што e единствена таква трка кај нас и е токму во Битола, на Пелистер, открива тој.

ЛИНК од видеото

Share on Facebook

Tweet

Follow us

Save