Попладне нестабилно време со пороен дожд и грмежи

Времето денеска ќе биде променливо облачно, а попладне на повеќе места ќе биде нестабилно со пороен дожд и грмежи, локално во форма на краткотрајно невреме со интензивен пороен дожд, силен ветер и услови за појава на град.

Долж Повардарието повремено ќе засилува северен до северозападен ветер.

Минималната температура ќе биде во интервал од 13 до 22, а максималната ќе достигне од 29 до 37°C. UV индексот ќе изнесува 7.

Во Скопје променливо облачно и нестабилно со повремен пороен дожд и грмежи, а во делови од котлината ќе има услови за краткотрајно невреме. Минималната температура ќе се спушти до 21, а максималната ќе достигне до 34°C.

Нестабилност со послаб интензитет ќе има претежно до четврток до средината на денот. Потоа ќе започне период на стабилно време. Најпрвин дневната температура преодно ќе опадне и најсвежо ќе биде во четврток и петок кога ќе дува засилен северен ветер, а потоа температурата ќе биде во постепен пораст.

Share on Facebook

Tweet

Follow us

Save