Нова саботажа во Франција: Овој пат против телекомуникациските оператори

Франција е погодена од нова рунда саботажи, овојпат насочени кон телекомуникациските оператори, соопшти полицијата.

Оптичките мрежи на повеќе оператори се „саботирани“ во шест области на Франција, соопшти полицијата. Главниот град Париз, кој во моментов е домаќин на Олимпијадата, не беше погоден.

Вандализирани се инсталациите на француските телекомуникациски компании SFR и Bouygues Telecom, објавија францускиот весник Le Parisien и BFM TV. Каблите беа исечени во јужна Франција, а инсталациите во близина на Луксембург и Париз беа саботирани.

Францускиот државен секретар за дигитални прашања Марина Ферари ги потврди вандалските дејствија извршени во неделата навечер.

– Работиме на воспоставување нормални телекомуникациски услуги – рече таа.

Сè уште не е јасно колку клиенти се засегнати. Наводно е започната истрага за инцидентот.

Што да направите ако на телото се појават папиломи, брадавици, „бенки“ или црвени дамки?
Веста доаѓа откако саботери ја нападнаа француската брза железничка мрежа во петокот, што доведе до апсење на едно лице во неделата.

Share on Facebook

Tweet

Follow us

Save