INFOMAX.MK

На несекојдневна глетка беа сведоци посетителите на плажата Грин Спејс во Охрид денеска откако неколку авиони канадери црпеа вода од Охридското езеро за гаснење на пожар кој гореше во близина.

Предмалку избил пожар и во Охрид во атарот на селото Косел,којшто има опасност да влезе во борова шума, поради што ЦУК таму пренасочиле еден хелихоптер, а најверојатно и Канадерите сега ќе помагаат со цел спречување на поголема штета и трагедија.

За жал дури и денеска на Илинден, на територијата беснеат девет пожари на отворено и шумски пожари, кажа директорот на Центарот за управување со кризи, Стојанче Ангелов попладнево.

Еден од најтешките пожари е на Осоговските планини, којшто беснее на територијата на Општина Пробиштип, во атарот на селото Зеленград. Овој пожар се одвива на исклучително недостапен терен.

„Овој пожар се одвива на исклучително тешко пристапен терен и повеќе денови ни задава главоболка, иако дејствувавме во повеќе наврати во воздухоплови, дејствувавме и од земја. Денеска одлучивме да го нападнеме со концентриран број на хелихоптери. Во текот на утрово, но и во остатокот на денот овде ќе делуваме ос осум хелихоптери – 3 македонски (2 армиски и 1 полициски), 1 српски, 2 унгарски, 1 словенечки и 1 чешки“, кажа Ангелов.

И додека Републиката е во пламен, премиерот Христијан Мицкоски уште од вчера е во Крушево каде го празнува и слави најголемиот македонски празник Илинден.