Бајден до Нетанјаху: „Престани да ме зa..аваш“!

„Престани да ме за..аваш…“, американскиот претседател Џозеф Бајден го искара израелскиот премиер Бенјамин Нетанјаху за време на телефонскиот разговор во четвртокот, откако Нетанјаху му кажа на шефот на Белата куќа дека преговорите на Израел за договорот за прекин на огнот со Хамас напредуваат и дека наскоро ќе испрати делегација за продолжување на преговорите, пренесе израелскиот канал 12, пренесува Танјуг.

Во меѓувреме, „Њујорк тајмс“ објави дека за време на разговорот, Бајден му рекол на Нетанјаху дека убиството на лидерот на Хамас Исмаил Ханије во Иран ден претходно, во средата, се случило во „непогоден момент“, токму кога, според САД, требаше да се постигне договор за прекин на огнот во Појасот Газа и за ослободување на заложниците.

Цитирајќи неименуван американски функционер, весникот вели дека Бајден исто така тврди дека убиството на Ханија може да предизвика регионална војна. Упатените посочуваат дека споменатиот телефонски разговор меѓу Бајден и Нетанјаху бил „исклучително тежок“.

Инаку, израелскиот Канал 12 не наведе од кои извори дознал за остриот тон на разговорот Бајден-Нетанјаху, но истакна дека на крајот од тој телефонски разговор шефот на Белата куќа го предупредил израелскиот премиер да не да го земе „за готово американскиот претседател“.

Share on Facebook

Tweet

Follow us

Save