Дел од горивата поевтинуваат од полноќ

Регулаторната комисија за енергетика, водни услуги и услуги за управување со комунален отпад донесе Одлука со која се врши намалување на малопродажните цени на нафтените
деривати во просек за 0,54 % во однос на одлуката од 29.7.2024 година.

Согласно најновата одлука на РКЕ, цените на бензинот ЕУРОСУПЕР БС-95, дизел горивото и Екстра лесното масло за домаќинство од полноќ се намалуваат за половина денар.

Малопродажната цена на бензинот ЕУРОСУПЕР БС-98 не се менува. Малопродажната цена на Мазутот М-1 НС се намалува за 0,321 ден/кг и сега ќе изнесува 44,060 ден/кг.

Од 6.8.2024 година од 00:01 часот максималните цени на нафтените деривати ќе изнесуваат:

Моторен бензин ЕУРОСУПЕР БС – 95 80,50 (денари/литар)
Моторен бензин ЕУРОСУПЕР БС – 98 83,00 (денари/литар)
Дизел гориво ЕУРОДИЗЕЛ БС (Д-Е V) 72,50 (денари/литар)
Масло за горење Екстра лесно 1 (ЕЛ-1) 71,00 (денари/литар)
Мазут М-1 НС 44,060 (денари/килограм)

Share on Facebook

Tweet

Follow us

Save