Иран и Пакистан организираат состанок на муслиманските земји поради убиството на Ханије

Иран и Пакистан свикаа итен состанок на министрите за надворешни работи на членките на Организацијата за исламска соработка (ОИС), кој ќе се одржи во Саудиска Арабија. Средбата е свикана поради убиството на лидерот на Хамас, Исмаил Ханије, во Техеран.

Состанокот, кој ќе се одржи во крајбрежниот град Џеда, „ќе се фокусира на злосторствата на израелската окупација и атентатот на Ханије“, соопшти ОИС, со седиште во Саудиска Арабија.

Иранското Министерство за надворешни работи соопшти дека Иран побарал состанок заедно со Пакистан. ОИС, кој има 57 исламски членки, се претставува како глас на муслиманскиот свет. За разлика од Арапската лига, ОИС вклучува и влијателни неарапски држави, како Иран, Пакистан и Турција.

Share on Facebook

Tweet

Follow us

Save