Добар пример кој го воодушеви регионот: Момче од Косово пронашло паричник со 2.500 евра и го однело во полиција

Косовските медиуми го фалат гестот на 12-годишник со иницијали Б.А како добар пример откако тој пронашол полн паричник со 2.500 евра и документи и ги предал во Полициската станица во Србица (Скендерај).

Според објава на косовската полиција, на социјалната мрежа Фејсбук, паричникот е предаден на сопственикот и вратена му е целата сума.

„Полицијата го идентификувала и верификувала лицето на кое му припаѓал паричникот и му го вратила паричникот со парите и документацијата“, се наведува во соопштението.

Исто така, Регионалната управа на полицијата во Јужна Митровица им се заблагодарува на граѓаните за довербата и совесното постапување.

Share on Facebook

Tweet

Follow us

Save