Милер: Веруваме дека Косово ги загрози можностите што му помогнавме да ги создаде

Портпаролот на американскиот Стејт департмент Метју Милер на прес-конференција нагласи дека САД се загрижени за неодамнешните одлуки на Косово, одговарајќи на прашањето дали треба да има последици за косовските власти по затворањето на филијали на Српска пошта на северот на земјата.

„Ние веруваме дека тие одлуки ги загрозија можностите што му помогнавме на Косово да ги создаде. Ако ги погледнете настаните од независноста на Косово, САД силно ја поддржаа целосната интеграција на земјата во меѓународната заедница како суверена мултиетничка демократија, соработувавме со успешните политички лидери на Косово за мерки кои го зајакнаа мирот и просперитетот во земјата додека Косово напредуваше на евроатлантскиот пат“, изјави тој.

Милер рече дека затоа ја охрабруваат Владата на Косово да се врати на „близок и конструктивен ангажман“ со САД, Европската унија, НАТО и другите меѓународни партнери.

Портпаролот на Стејт департментот рече дека тие ставови приватно ги искажале на Владата на Косово и нагласи дека не сака да шпекулира за идни потези.

Share on Facebook

Tweet

Follow us

Save