Еден од најголемите дијаманти во историјата е пронајден во рудник во Боцвана

Канадската компанија “Lucara Diamond Corp” пронајде дијамант од 2.492 карати во својот рудник Карове во Боцвана, еден од најголемите ископани досега, соопшти компанијата.

“Lucara” не го откри квалитетот на скапоцениот камен, но неговата големина го прави вториот по големина груб дијамант некогаш откриен, по 3.106-каратниот дијамант Кулинан пронајден во соседна Јужна Африка во 1905 година. По мелењето и полирањето, стана дел од накитот на британската круна.

Рудникот Карове е познат по производство на големи камења, со други значајни наоди вклучувајќи ги дијамантите Севело од 1.758 карати и Леседи Ла Рона од 1.109 карати.

Денеска, на 22 август, компанијата ќе му го подари дијамантот на претседателот на Боцвана, Мокгвееци Масиси. Боцвана е водечки светски производител на дијаманти по вредност, пишува Хина.

Оваа држава минатиот месец предложи закон со кој ќе се бара од рударските компании да продаваат 24 отсто од акциите во рудниците на локални инвеститори откако ќе добијат лиценца, освен ако владата не ја искористи својата опција да го купи уделот.

Share on Facebook

Tweet

Follow us

Save