Путин му го честиташе роденденот на Лукашенко, го одликуваше со највисокото руско признание

Рускиот претседател Владимир Путин денеска му го честиташе 70-тиот роденден на белорускиот претседател Александар Лукашенко, нагласувајќи дека Лукашенко постојано ги брани интересите на својата земја на меѓународната сцена и дека како претседател на Белорусија се докажал како вистински патриот.

Во честитката објавена на веб-страницата на Кремљ, Путин наведува дека Лукашенко е мудар политичар, способен да носи „далековидни одлуки дури и во најтешките ситуации“ и дека е тешко да се прецени личниот придонес на Лукашенко во развојот на пријателски Руско-белоруските односи, како и за подобрување на интегративните процеси во евроазиската област, пренесува РИА Новости.

Путин изрази уверување дека заедничките напори на двајцата претседатели ќе продолжат да прават се што е можно за зајакнување на руско-белоруската соработка.

Рускиот лидер го потпиша указот со кој на претседателот на Белорусија, Лукашенко, му се доделува Орденот на светиот апостол Андреј Првоповиканиот, највисокото руско признание, соопшти Кремљ.

Share on Facebook

Tweet

Follow us

Save