Без повисоки плати, без дел од учебниците и со помалку првачиња од лани – Како-така, почна учебната година

Од денеска започна учебната 2024/2025 година. Оваа учебна година почнува со 3.500 првачиња помалку во споредба со лани, а за седум година речиси 17 илјади е намален вкупниот вкупниот број на ученици во Македонија.

Според статистиката, во јуни 2017 година во Македонија имало 262.707 ученици, а само првачиња биле 22.906.

Во јуни 2024 година во Македонија има 245.874 ученици, а првачиња се 19.482.

За период од 7 години има намалување на вкупниот број на ученици за 16.833, а на бројот на првачиња за 3.425.

Учебната година почнува и со барање за покачување на платите на наставниците, се организираат протести, се преговара, иако министерката Јаневска јасно кажа дека пари за зголемување на платите на наставниците нема.

Дел од учениците ќе ја почнат учебната година и без сите потребни учебници, во некои одделенија недостасуваат учебници за странските јазици.

Share on Facebook

Tweet

Follow us

Save