Упад во македонското образование со амин на министерката: Во Скопје се делеше албански буквар унифициран со Косово и Албанија

Беше голема чест да се достави албанскиот буквар на првачињата во ОУ „Лирија“ во Скопје. Азбуката е основата на албанскиот јазик, додека унифицираниот буквар е показател на нашите напори за заштита и негување на стандардниот албански јазик.

Учениците Албанци во Северна Македонија од денеска ќе ги учат златните букви од албанската азбука исто како и нивните врсници во Албанија и Косово. Тоа е дефинитивно суштински чекор во одржувањето на нашиот национален идентитет во ера на глобализација.

Тоа беше посебен момент за сите нас, кој долго ќе го паметиме. Им благодарам на воспитувачите и учениците за прекрасната програма подготвена за овој ден и на Инстутот за духовно и културно наследство на Албанците за донацијата на азбуките.

Фејсбук статус на првиот вицепремиер Изет Меџити

На новинарските прашања дали унифицираниот буквар за првачиња со мајчин албански јазик во Албанија и во другите држави, има одобрение од Министерството за образование и наука на Република Северна Македонија, Касами тврди дека е така.

– Сигурно чим е пуштен во употреба, во Македонија има одобрение. Тој ќе биде поделен на сите училишта со образование на албански јазик и ќе биде користен како дополнителен материјал и сигурно ние ќе работиме во следниот период, тоа да се намали да биде и учебник кој ќе биде користен од сите ученици не само во Македонија, нели како што е и одлуката за сите Албанци. Тоа е учебник, унифициран за сите Албанци во Албанија, Косово, Македонија и секаде кај што живеат Албанците. Тоа е буквар со што Албанците првачиња ги учат буквите, рече Биљал Касами.

Share on Facebook

Tweet

Follow us

Save