Полските служби ја разбија руската и белоруската мрежа за сајбер напади
Полските безбедносни служби разбија група Руси и Белоруси кои се обидоа да се инфилтрираат во други институции преку сајбер упад во системите на Полската антидопинг агенција и да добијат чувствителни податоци кои подоцна ќе ги користат руските и белоруските разузнавачки служби за уцени Полјаци и институции, рече Полјакот вицепремиерот Кшиштоф Гавковски.
„Спречена им е целта да внесуваат и земаат податоци и подоцна да уценуваат. Тие групи имаа намера политички, воено и економски да ја парализираат Полска“, изјави денеска за новинарите вицепремиерот за дигитализација Гавковски.
Покрај државните институции, на мета беа и локалните самоуправи и полски компании од одбранбениот и безбедносниот сектор.
Во разбивањето на оваа мрежа на саботери, како што ги нарече Гавковски, соработуваа Воено-разузнавачката служба, контраразузнавачката цивилна агенција за внатрешна безбедност и академската мрежа за следење на интернетот и сајбер просторот НАСК.
„Белоруските и руските тајни служби имаа јасна цел да добијат информации и да ги искористат за уценување поединци и разни институции и на тој начин да водат сајбер војна. Со месеци забележуваме зголемена криминална активност во сајбер просторот“, рече Гавковски.
Во првите шест месеци од оваа година биле пријавени над 400.000 сајбер напади, а службите интервенирале околу 100.000 пати.
ПОВРЗАНИ ВЕСТИ
ПОЖАР ВО СЕДИШТЕТО НА ЦИА: Пожарникари интервенирале…
Пожар избувнал во седиштето на американската Централна…
САД предупредуваат дека украинските напади длабоко на…
Пентагон денеска ги замоли западните земји кои…
КИБЕРНАПАД ВРЗ НАЈГОЛЕМИОТ СНАБДУВАЧ СО ПРИРОДЕН ГАС…
Норвешкиот енергетски гигант „Еквинор“ (Equinor), најголемиот снабдувач…
ПОРАНЕШНИОТ БУГАРСКИ ЦАР СО ПОРАКА ПО СРЕДБАТА…
Поранешниот бугарски цар и експремиер Симеон Сакскобурготски…
НЕОЧЕКУВАН ПОВИК ВО ИЗРАЕЛСКИОТ ПАРЛАМЕНТ: Нетанјаху итно…
Израелскиот премиер Бенјамин Нетанјаху, според информации што…