Израелскиот министер за одбрана тврди дека Хамас повеќе не постои како воена формација во Газа

Израелскиот министер за одбрана Јоав Галант изјави дека воените капацитети на Хамас се сериозно оштетени по повеќе од 11 месеци војна, тврдејќи дека палестинската милитантна група повеќе не постои како воена формација во Газа, пишува Гардијан.

„Хамас како воена формација повеќе не постои. Хамас е ангажиран во герилска војна, а ние сè уште се бориме против терористите на Хамас и го гаѓаме раководството на Хамас“, изјави тој за странските новинари.

Израелската војска соопшти дека елиминирала повеќе од половина од раководството на военото крило на Хамас, бригадите Ал-Касам, и дека убила или заробила повеќе од 14.000 борци на Хамас од околу 30.000 до 40.000 борци што групата ги имала на почетокот на војната. минатата година. Хамас ги оспори овие бројки.

На брифингот со новинарите, Галант, исто така, ја изрази својата поддршка за договорот за ослободување заложници во првата фаза од договорот за прекин на огнот во Газа, велејќи дека тоа ќе му даде на Израел „стратешка можност“ да се справи со другите безбедносни предизвици.

Според Гардијан, Галант постојано се судрил со израелскиот премиер Бенјамин Нетанјаху и со тврдокорните националистички министри околу потребата да се постигне договор за ставање крај на војната и враќање на преостанатите заложници во замена за палестинските затвореници кои ги држи Израел.

Нетанјаху е под голем притисок да постигне мировен договор со Хамас за кој се преговара веќе неколку месеци. Главниот ќор-сокак во преговорите беше коридорот Филаделфија долж границата на Газа со Египет и коридорот Нецарим во внатрешноста на територијата. Нетанјаху инсистираше Израел да ја задржи контролата врз коридорите за да спречи шверц и да ги фати милитантните борци. Хамас бара целосно повлекување на израелските сили од Газа.

Share on Facebook

Tweet

Follow us

Save