Иран со предупредување: Ќе одговориме на новите санкции и на непријателската политика на Западот

Иран се закани дека ќе преземе мерки како одговор на новите санкции што ги најавија Велика Британија, Германија и Франција против Техеран негирајќи ги наводите дека ѝ доставувал балистички ракети на Русија за да ја нападне Украина.

„Оваа акција на трите европски земји е продолжување на непријателската политика на Западот и економскиот тероризам против иранскиот народ“, изјави портпаролот на Министерството за надворешни работи, Насер Канани.

Тој додаде дека „Исламската Република Иран ќе одговори на соодветен и пропорционален начин“, без да прецизира за кои мерки станува збор.

Канани уште еднаш ги отфрли тврдењата дека Иран ѝ испорачувал оружје на Русија.

Share on Facebook

Tweet

Follow us

Save