Џонсон: Време е на Украина да и се дозволи да се приклучи кон НАТО , без да се чека крајот на војната

Поранешниот британски премиер Борис Џонсон во авторски напис за британскиот магазин „Спектатор“ изјави дека е време да и се дозволи на Украина да влезе во НАТО без да се чека крајот на војната со Русија.

„Постои начин да се направи ова“, забележува Џонсон во авторски текст за списанието што ќе се објави на 21 септември. „Можеме да ја поканиме Украина да се приклучи и пред да заврши војната“, рече поранешниот британски премиер.

„Тоа е така затоа што би можеле да ги прошириме безбедносните гаранции според член 5 на целата украинска територија која моментално е под контрола на Украина, а истовремено го потврдуваме апсолутното право на Украинците на целата територија на нивната земја од 1991 година“, објаснува Џонсон.

„Ние би можеле да го заштитиме поголемиот дел од Украина додека го поддржуваме правото на Украинците да го вратат остатокот (од земјата). Договорот за НАТО ни дава доволно можности за тоа. Видете го членот 6, кој вели дека земјите можат да станат членки дури и ако безбедносната гаранција не важи за сите нивни меѓународно признати територии“, додава поранешниот британски премиер.

„Мораме да го направиме ова во следните неколку месеци бидејќи тоа е најголемиот чекор што можеме да го направиме за да ставиме крај на оваа одвратна војна. Со вклучувањето на Украина во НАТО, ќе испратиме одлучувачка порака до Кремљ дека Русите навистина треба да го слушнат, пишува Џонсон во заклучокот од неговата статија за „Спектатор“.

Share on Facebook

Tweet

Follow us

Save