(Видео) Трамп: Америка стана предмет на потсмев

САД ја изгубија почитта на светската сцена и станаа предмет на потсмев, изјави поранешниот претседател Доналд Трамп на предизборен митинг во државата Пенсилванија.

Поранешниот американски претседател и републикански претседателски кандидат Доналд Трамп одржа митинг во градот Батлер во американската сојузна држава Пенсилванија, на местото каде што преживеа обид за атентат на 13 јули.

Републиканскиот кандидат вети дека ќе ја зајакне американската економија, ќе се бори против криминалот и ќе ја сузбие илегалната имиграција преку јужната граница.

„Сè треба да биде најдобро“, рече тој. „Мораме да ги имаме најдобрите училишта. Мора да имаме силни граници. Не сакаме лоши луѓе да влезат и да не повредат“.

„Вие заслужувате нација која се обновува, што ги подобрува работите, се стреми кон ѕвездите уште еднаш и повторно добива почит, а ние сакаме да ја добиеме почитта што ја имавме пред четири години“, им рече тој на толпата на митингот.

Share on Facebook

Tweet

Follow us

Save