Ѓоковиќ ги возбуди фановите: Сакам и идната година да играм во Кина

Српскиот тенисер Новак Ѓоковиќ неодамна изјави дека нема план за иднината и дека најверојатно ќе игра само на Гренд слем турнири и на Мастерси и ќе се обиде што повеќе време да поминува со своето семејство.
Со оглед на тоа што е во 38. година од животот, многумина помислија дека тука е крајот и дека полека се простува од тенисот. Сепак, Мастерсот во Шангај изгледа дека му ја врати желбата за игра, па пред своите фанови изјави нешто со што најави дека на планира наскоро да запре.

„Ќе направам се што е во моја моќ да дојдам тука и идната година. Не знам што ќе донесе таа кога е во прашање распоредот на турнири и одморот, но знам дека сакам да продолжам да играм. И натаму сакам да доаѓам во Кина, поради љубовта и поддршката што ја чувствувам овде“, рече Ѓоковиќ.

Турнирот во Шангај е од Мастерс серијата и затоа има повеќе шанси да се врати на него, отколку на оној во Пекинг.

Share on Facebook

Tweet

Follow us

Save