Лоши вести за Реал пред дербито: Куртоа го пропушта Ел Класико!

Реал Мадрид оствари голема победа против Борусија Дортмунд во Лигата на шампионите, откако од 0-2 дојде до триумф со 5-2, но задоволството го уништија информациите кои дојдоа потоа.

Прво стана јасно дека Родриго нема да игра против Барселона в сабота поради повреда, а утринава дојдоа уште полоши вести. На голот на Реал во Ел Класико нема да биде првиот голман Тибо Куртоа кој доживеал повреда на адукторот на левата нога и ќе мора да паузира извесен период. Повредата доаѓа во незгоден момент затоа што Барселона оваа сезона е исклучително ефикасна и потребен е добар чувар на мрежата.

Сепак, не смее да се заборави дека Куртоа не бранеше за Реал и минатата сезона, поради две тешки повреди, па мадридскиот тим на трите меча ја совлада Барселона, два пати во Ла Лига и еднаш во Суперкупот. Разликата е во тоа што тогаш Лунин беше стандарден од почетокот на сезоната и бранеше во добра форма, а оваа сезона настапи на само два меча, против Лил во Лигата на шампионите и Виљареал во домашното првенство.

Share on Facebook

Tweet

Follow us

Save