INFOMAX.MK

Северна Македонија ќе напредува доколку двете најголеми етнички заедници, Албанците и Македонците, имаат добри односи, бидејќи овие две заедници ја имаат главната одговорност за иднината на државата, порача претседателот на ДУИ, Али Ахмети, пред граѓаните на Сарај, како дел од средбите за заштита на легитимноста. Ахмети ја повика секоја македонска партија јасно да им кажат на Македонците дека оваа земја им припаѓа и на Албанците, кои не се кираџии.

„Денеска е патриотизам да се почитува идентитетот, културата, јазикот на сограѓаните. Не е патиротизам да војуваш и освојуваш, да го смениш Законот за употреба на јазиците. Како се задира јазикот?! Ние го плативме со крв! Како се отвораат стари рани кои болаат повеќе од новите рани?! Како можете да задирате врз етничката припадност?“, вели Али Ахмети.

Освен употребата на јазиците на судски рочишта, Венецијанската комисија даде мислење и за употребата на албанскиот јазик во банкнотите и униформите на армијата.

Предметот за Законот за јазиците се состои од 13 граѓански иницијативи, политички партии, разни здруженија и е формиран во 2019 одина.