Косовец баран од македонските власти, уапсен на албанско-косовска граница

На граничниот премин „Морина“, на албанско – косовската граница, уапсен е 38- годишен Косовец баран со меѓународна потерница издадена од македонските власти, каде бил осуден на шест години затвор за дрога, соопшти албанската полиција.

Според полицијата, во соработка со службите на локалната полициска управа Кукс и како резултат на размена на информации со Интерпол Тирана, уапсен е Бурим Бајрами (38), жител на Гњилане, со цел екстрадиција во Македонија.

– При проверките и разговорите во втор ред, на влез во државата, се покажа дека 38-годишниот маж е прогласен за меѓународен баран, откако Судот во Гостивар му изрекол шест години затвор за трговија со дрога. Од оваа казна му остануваат да одлежи околу една и пол година затвор, информираа од албанската полиција.

Се додава дека Интерпол Тирана, во соработка со македонските колеги, ги спроведуваат процедурите за негова екстрадиција.

Share on Facebook

Tweet

Follow us

Save