Објавено на:

Вучевиќ за трагедијата во Нови Сад: Скандалозно е што некој ова го нарекува убиство

t

Српскиот премиер Милош Вучевиќ денеска изјави дека има многу непознаници околу несреќата во Нови Сад во која загинаа 14 лица кога врз нив падна настрешницата на железничката станица, како и дека има многу спротивставени мислења од експертите од областа.

Вучевиќ, кој моментално престојува во Шангај, рече дека многу не се знае и дека никој не ги има сите податоци, бидејќи тоа е многу сложено прашање.

– Истрагата е во рацете на Вишото јавно обвинителство и полицијата, а започнати се сослушувањата на сите оние кои обвинителството ги гледа во синџирот на одлучување за работите на Железничката станица, изјавил тој пред новинарите.

Додал дека мора да има политичка одговорност и дека разговарал со претседателот на Србија, Александар Вучиќ и дека тоа не е под знак прашалник, само дека таа одлука ќе се донесе со „ладна глава и рационално“.

Коментирајќи ги плакатите со неговиот лик, сликите на министрите Томислав Момировиќ и Горан Весиќ, со порака „Корупцијата убива – ќе одговарате“, кои се појавија на четири локации во Нови Сад, рече дека не е време за политички одговори.

– Во Нови Сад се денови на жалост, секако, многу тешки денови за семејствата на загинатите. И тоа е трагедија. Некој да го нарече ова убиство е скандалозно. Мора да си монструм за да кажеш дека некој ги убил тие луѓе, рекол Вучевиќ.

На прашањето дали е почната проверка на некои други објекти со кои стопанисува истата компанија, тој одговорил потврдно, но додал дека и започнала да се прави „антикинеска хајка“ и дека тој никогаш нема да биде дел од тоа.

– Сега треба да ги уапсиме сите претставници на кинески компании? А ние не знаеме ни кој што направил. Ова е сериозно потсетување за сите кои се занимаваат со таа професија дека мора да се вршат почести контроли и надзор на сите објекти – рекол тој.

Вучевиќ изјавил и дека во хрватските медиуми, инженерите од земјата рекле дека ваква трагедија може да се случи и во Хрватска, бидејќи многу згради биле изградени истовремено со Железничката станица во Нови Сад.

– Никој не бега од прашањето за одговорноста, а ако се изврши хајка и ритуално се жртвуваат жртви, нема да биде подобро за семејствата на загинатите, ниту ќе утврдиме што навистина се случило – оценил тој.

ПОВРЗАНИ ВЕСТИ

СИ-ЕН-ЕН: АМЕРИКАНСКОТО РАЗУЗНАВАЊЕ ПРЕДУПРЕДУВА ЗА МОЖЕН ИРАНСКИ…

Американските разузнавачки служби располагаат со информации кои…

Инстант лоз „Мега милионер“ – гребни ја…

Во понудата на инстант лозови на Државна…

ЖЕЛЕЗНИЧКИОТ СООБРАЌАЈ ВО ВАШИНГТОН ПРИВРЕМЕНО ЗАПРЕН: Амтрак…

Американската железничка компанија „Амтрак“ (Amtrak) привремено го…

НОВ ХАОС НА АМЕРИКАНСКИТЕ АЕРОДРОМИ: Падна системот…

Американската авиокомпанија United Airlines потврди дека се…

ДЕМОКРАТИТЕ ПОДГОТВУВААТ ГОЛЕМ УДАР ВРЗ ТРАМП: Се…

Американскиот претседател Доналд Трамп се соочува со…