Ќе понесе ли некој ОДГОВОРНОСТ од управата на клубот? Вардар го има најлошиот старт на една сезона во ИСТОРИЈАТА!

Вардар по вчерашниот пораз на гости кај Пелистер (0-1) го има и официјално својот најлош старт на една сезона во клупската историја.

Во претходниот најлош старт, во сезоната 2010/11, Вардар имаше девет бодови по 13 натпревари и потоа испадна во Втората лига. И во неколку други наврати во последните деценија ипол имало лоши почетоци (никогаш со помалку од девет бодови), но разликата е што тогаш екипата поради финансиски проблеми или била составена од младинци, или во последен момент бил „скрпен“ некако тим микс на ветерани и таленти со цел само да се одигра.

Овој пат, до црниот епилог е дојдено со СЕДУМ странци во тимот, со ПОТРОШЕНИ 500.000 евра само досега (информации од клубот) и тоа во период кога македонскиот клупски фудбал е далеку ПОСЛАБ во однос на претходните времиња.

Ќе понесе ли некој ОДГОВОРНОСТ од управата на ФК Вардар или за сите лоши резултати и бламажи ќе бидат ,,криви” само тренерите?

Share on Facebook

Tweet

Follow us

Save