Шефот на НАТО: Германија треба повеќе да троши на војската

„Германија за прв пат по три децении повторно издвојува два отсто од својот БДП за војската и тоа е добро за Германија и за НАТО, но членките мора да инвестираат повеќе и јас тргнувам од тоа дека Германија ќе преземе понатамошни чекори во таа насока“, кажа Руте по средбата со канцеларот Олаф Шолц.

Поранешниот холандски премиер додаде дека како претседател на влада знае дека не е секогаш едноставно да се издвојат средства за одбраната и за помош на Украина, но дека двете се нужни за заедничката сигурност.

Шолц кажа дека „решително ќе продолжи по патот“ на зголемување на военото трошење во Германија и ја истакна потребата за понатамошно јакнење на европските членки на НАТО.

„Се работи за тоа дека мораме да бидеме спремни да одговориме на секоја закана за безбедноста на Европа“, оцени Шолц.

Германија оваа година ќе издвои 90,6 милијарди евра за војската или 2,1 отсто од БДП.

Share on Facebook

Tweet

Follow us

Save