Трамп утрово се разбуди побогат за милијарда долари

Доналд Трамп не ја освои само Белата куќа. Во средата стана побогат за повеќе од една милијарда долари, пишува CNN. Акциите на Trump Media, која тргува под симболот „DJT“, пораснаа за 35% во претпазарното тргување, што и дава неверојатна пазарна вредност од околу 9 милијарди долари.

Трамп е доминантен акционер на конзервативната компанија за социјални медиуми, која има скромни приходи и бележи загуби.

Акциите што ги поседува новоизбраниот претседател, вкупно 114,75 милиони акции, вредат околу 5,3 милијарди долари врз основа на претпазарното тргување, во однос на 3,9 милијарди долари на денот на изборите. Се разбира, ова се само добивки од хартија и во пракса би било тешко Трамп да ги продаде повеќето од овие акции без цената драстично да се намали.

Со месеци Трамп Медиа служеше како индикатор за предвидувањата на трговците за изборните резултати.

Како што се намалуваа шансите за победа на Трамп, така и цената на акциите на компанијата падна на рекордно ниско ниво во текот на септември. Но, помеѓу 23 септември и крајот на октомври, вредноста на Трамп Медиа тројно се зголеми, неверојатен скок што беше поттикнат од предвидувањата на обложувалниците дека Трамп ќе ја освои Белата куќа.

Share on Facebook

Tweet

Follow us

Save