Трамп разговараше со лидерот на палестинската самоуправа: Ќе работам да ја прекинам војната

Победникот на изборите во САД, Доналд Трамп, вечерва му рекол на лидерот на палестинската управа (ПА) Махмуд Абас дека ќе работи на запирање на војната, соопшти кабинетот на палестинскиот претседател.

Абас му честиташе на Трамп за неговата изборна победа оваа недела и му посака среќа додека се подготвува за неговиот втор мандат во Белата куќа.

Тој ја изрази својата подготвеност да „соработува со претседателот Трамп со цел да се постигне праведен и сеопфатен мир заснован на меѓународен легитимитет“, се вели во соопштението на ПС.

Во телефонскиот разговор Трамп, исто така, рече дека со нетрпение очекува да работи со палестинскиот лидер и сите заинтересирани страни за „промовирање на мирот на Блискиот Исток“.

Бишара Бахбах, кој беше национален претседател на Арапските Американци за Трамп, изјави за Тајмс оф Израел дека разговарал со Абас веднаш по повикот и дека палестинскиот претседател го опишал разговорот како „извонреден“.

„Тие разговараа за прашањето за мирот и потребата од итен прекин на конфликтот“, рече Бахбах.

Бахбах инсистираше на тоа дека Абас сака да соработува со Трамп, и покрај многу лошите односи за време на првиот мандат на новоизбраниот американски претседател, кога палестинските власти ги прекинаа односите со САД откако Вашингтон го призна Ерусалим за главен град на Израел, пренесува Танјуг.

„Сега е поинаква година. Сите се движиме од позициите што претходно ги заземавме. Неопходно е веднаш да се прекинат конфликтите и да се врати на преговарачка маса за да се постигне траен мир“, вели Бахбах.

Share on Facebook

Tweet

Follow us

Save