Во Грузија судири меѓу демонстрантите и полицијата, уапсени најмалку десет лица

Утрово на авенијата Меликишвили во Тбилиси почнаа судири меѓу полицијата и демонстрантите кои не ги признаваат резултатите од парламентарните избори.

Полицијата се обидува да ги потисне демонстрантите и употребува солзавец, пренесува порталот civil.ge.Полицијата соопшти дека се уапсени околу десет лица.

Централната изборна комисија (ЦИК) во Грузија во саботата ги објави конечните резултати од парламентарните избори, според кои владејачката партија Грузиски сон победи со 53,93 отсто од гласовите и освои 89 од 150 мандати во Собранието.

Покрај Грузискиот сон, прагот од пет проценти го поминаа четири опозициски партии.Опозицијата во Грузија го негира легитимитетот на изборите, најавувајќи континуирани протести до распишување нови избори.

Грузиската претседателка Саломе Зурабишвили ги отфрли изборните резултати и побара итна истрага за изборниот фалсификат.

Share on Facebook

Tweet

Follow us

Save