Објавено на:

Ердоган: Турција не му дозволи прелет на израелскиот претседател

t

Турскиот претседател Реџеп Таип Ердоган потврди дека Турција му забранила на израелскиот претседател Исак Херцог да го користи турскиот воздушен простор.

Канцеларијата на Херцог во саботата објави дека тој нема да присуствува на климатската конференција COP29 во Азербејџан поради „безбедносни причини“.

Официјални лица во Азербејџан го отфрлија тврдењето дека нивната земја е небезбедна и нагласија дека вистинската причина за отсуството на Херцог е забраната за користење на турскиот воздушен простор.

За време на вчерашната прес-конференција на самитот на Г-20 во Бразил, Ердоган потврди дека Херцог не добил дозвола да лета над Турција со официјалниот авион на Винг оф Сион, поради противењето на Турција на војната на Израел со Хамас во Газа, пренесува Индекс.

„Што се однесува до израелскиот претседател кој сакаше да оди во Азербејџан на самитот COP, не му дозволивме да го користи нашиот воздушен простор. Има други области, има и други можности, му рековме да оди таму… но јас не знам дали отиде или не“, рече Ердоган.

Азербејџан, сојузникот на Израел, се граничи со Иран на југ. Израелците планирале Херцог да дојде во Азербејџан преку лет над Средоземното Море, Турција и Грузија.

Остатокот од израелската делегација на конференцијата за климата, која вклучува тројца министри и десетици официјални лица, учествува според планираното и пристигна во Азербејџан на 11 ноември, наводно преку комерцијални летови преку Грузија.

ПОВРЗАНИ ВЕСТИ

Вандали запалиле контејнери со ѓубре во Ново…

Скопје нема да биде заложник на вандали,…

Здруженијата на лица со дијабетес бараат сензори…

На одбележувањето на Светскиот ден на дијабетесот…

ШОКАНТНО ВИДЕО: ИВА МИХАИЛОВА ТВРДИ ДЕКА Е…

Шокантно видео објави на Јутјуб бугарскиот новинар…

САД разгледуваат намалување на военото присуство во…

Намалувањето на американското воено присуство во Европа…

Митовски: Човек ми раскажа дека мајка му…

Градоначалникот на Крива Паланка, Сашко Митовски, во…