Вучиќ: Подготвени сме да соработуваме не само со ЕУЛЕКС и КФОР, туку и со Приштина за да се расчисти случајот со експлозијата

Српскиот претседател Александар Вучиќ се обрати до јавноста во врска со инцидентот во Зубин Поток и актуелната ситуација на Косово. Вчера имаше обид за голем хибриден напад врз нашата земја, во првиот бран ги обвинија Белград и Србија дека стојат зад експлозијата кај Зубин Поток, а Белград и Србија немаат никаква врска со тие настани, рече Вучиќ. Истрагата ќе покаже кој е одговорен за експлозијата кај Зубин Поток, бидејќи и ние ја водиме нашата истрага, имаме одредени сомнежи, рече претседателот.

– „Белград и Србија немаа поим, ниту ќе ни текнеше (вакво нешто) и никој не треба да се грижи, бидејќи нема ниту една работа, ништо не може да се докаже, можете да бидете мирни“, нагласи Вучиќ.

– „Како сериозна држава не се занимававме со обвинувањата, нема да кажам дека нападот е директно нарачан од Кура, истрагата ќе покаже, имаме одредени сомнежи. Мислиме дека имаме одредени информации и кој би можел да биде извршителот “, истакна српскиот претседател.

Како што рече, надлежните институции во Белград ќе продолжат да работат на истрагата, а дотогаш нема да ја информираат јавноста за напредокот на истрагата.

Вучиќ рече и дека властите во Белград, во согласност со Бриселскиот договор, се подготвени за соработка не само со ЕУЛЕКС и КФОР, туку и со Приштина.

Отворени сме и апсолутно подготвени да разговараме“, изјави Вучиќ.

Share on Facebook

Tweet

Follow us

Save