Ал Тани: Катар соработува со Трамп за да се постигне прекин на огнот во Газа

Катарската влада соработува со новоизбраната американска администрација на Доналд Трамп кога е во прашање војната во Појасот Газа, изјави денеска катарскиот премиер и министер за надворешни работи, шеикот Мохамед бин Абдулрахман Ал Тани.

Тој на Форумот во Доха рече дека катарските власти се свесни за целта на новоизбраната републиканска администрација да постигне примирје во окупираната палестинска енклава пред инаугурацијата на Трамп во јануари.

Хамас неодамна, на состанокот во Каиро, го прифати египетскиот предлог за привремен прекин на израелската војна во Газа, кој вклучува ослободување на заложниците од „хуманитарната категорија“, но неименувани израелски медиуми негираа дека тоа би претставувало крај на војната.

Share on Facebook

Tweet

Follow us

Save