Падна договор: Салах уште најмалку две сезони во дресот на Ливерпул!

Ѕвездата на Ливерпул, Мохамед Салах, официјално се согласи да го продолжи договорот со клубот за уште две години, ставајќи крај на шпекулациите за неговата иднина.

Оваа вест е големо олеснување за навивачите на „црвените“, особено по неодамнешните гласини за можен трансфер во Пари Сен Жермен. Салах, чиј претходен договор истекуваше на крајот на тековната сезона, бил предмет на долги преговори меѓу неговиот агент Рами Абас и управата на клубот. Иако првично агентот барал тригодишно продолжување, клубот понудил само една година, што довело до интензивни преговори. На крајот, постигнат е компромис, и 32-годишниот Египќанец останува на „Енфилд“ до летото 2026 година.

И покрај тоа што Салах заработува околу 400.000 фунти неделно, финансиските услови не биле главниот фактор за продолжувањето на договорот. Неговата желба да остане дел од тимот од „Енфилд“ и да продолжи со борбата за титули била пресудна. Ливерпул во меѓувреме се обидува да ги обезбеди иднините и на двајца клучни играчи, капитенот Вирџил ван Дајк и Трент Александар-Арнолд. Се шпекулира дека Ван Дајк веќе ја одбил првичната понуда, додека Александар-Арнолд размислува за понудите, особено за таа од Реал Мадрид. Договорите на двајцата истекуваат следното лето.

Share on Facebook

Tweet

Follow us

Save