Можни бегалци кон Европа по падот на Асад, предупредуваат домашните експерти по безбедност

Падот на династијата Асад може да доведе до сериозни поместувања. Домашни безбедносни експерти предупредуваат на опасноста од нов мигрантски бран и повторно активирање на балканската рута што поминува и низ Македонија.

Клучно за падот на Асад беше прегрупирањето и промената на рамнотежата на силите на Блискиот исток, односно влијанието на земји како Русија, Турција, САД, Израел и Иран кои имаат свои интереси, објаснуваат експертите.

Неговото соборување од власт траеше со години, но последниот удар се случи со молскавична брзина. Новите власти најавуваат стабилизација на државата и ветуваат дека Сирија ќе застане на здрави нозе и ќе се демократизира. Но, сега опасноста е дека лица кои се блиски до Асад може да бараат засолниште во Турција, а оттаму и во Европа.

Експертите се согласни дека безбедносните служби во Македонија треба активно да ја следат ситуацијата во Сирија и навремено да преземат превентивни мерки од можен нов бегалски бран.

Share on Facebook

Tweet

Follow us

Save