Ѓуретановиќ урна уште еден апсолутен и младински рекорд во македонското пливање

Големиот македонски пливачки талент Никола Ѓуретановиќ сруши уште еден апсолутен и младински рекорд на Македонија.

Како што објави пливачкиот клуб Вардар 2018, на Светското првенство во Будимпешта, Унгарија, во дисциплината 800 метри слободно, Ѓуретановиќ постави ново време од 08:06.79 минути, подобрувајќи го стариот рекорд за цели три секунди.

Како дел од клубот Вардар 2018, Ѓуретановиќ докажа дека македонското пливање е подготвено за најголемите сцени.

– Ова е само почеток на една нова ера! Време е институциите, како што се Министерството за спорт, Македонскиот Олимписки Комитет (МОК) и Сојузот на спортови на Скопје, будно да го следат успехот на нашиот клуб и спортисти како Никола. Само со заедничка поддршка, Македонија ќе го достигне врвот на светскиот спорт. Горди сме на нашата иднина – Вардар 2018 е тука да ги води најдобрите до врвот! – стои во објавата на ПК Вардар 2018.

Share on Facebook

Tweet

Follow us

Save