Косово ќе отвора фабрика за оружје

Косовската влада потпиша договор со турската државна одбранбена компанија Machinery and Chemical Industrial Corporation за основање на фабрика за муниција во Косово, соопшти канцеларијата на премиерот Албин Курти, објави РСЕ на срспки јазик.

Фабриката ќе произведува муниција “од различни калибари според стандардите на НАТО”, се вели во соопштението.

“Во прилог на производствените машини, договорот потпишан денес, исто така, предвидува обука на персоналот, одржување за одреден временски период и опрема за тестирање и калибрирање на квалитетот на системот”, рече Курти.

Канцеларијата на косовскиот премиер додаде дека фабриката ќе работи како јавно претпријатие и како “100% локален бренд” на Косово.

Повеќе детали не се откриени.

На 27 ноември, Курти објави дека процесот на отворање на фабрика за муниција и лабораторија за дизајнирање беспилотни летала е започнат, наведувајќи дека ова е “неопходен чекор за да се гарантира одржлив развој на армијата”.

Министерот за одбрана Ејуп Македонци изјави дека проектот е координиран со меѓународната влада.

Share on Facebook

Tweet

Follow us

Save