Меџити: ДУИ е во процес на уништување

Изет Меџити, кој ја напушти Демократската унија за интеграција и подоцна ја создаде партијата Демократско движење, а сега е нејзин лидер, изјави дека не чувствува задоволство кога го гледа уништувањето на ДУИ. „Никогаш не сум почувствувал. задоволство, поради отуѓеноста, што ѝ се случи на таа партија. Во емисијата „Дневен клик“ на ТВ21, што ќе се емитува во вторник, Меџити нагласува дека сите кои придонеле и инвестирале во ДУИ не се задоволни од тоа што се случува, но вели дека тоа е реалност. Ова го објави агенцијата на албански јазик Илирија-ИНА.

Агенцијата ја цитира изјавата на Меџити, дадена во овој контекст: „ДУИ е во процес на уништување, како партија е во слободен пад. Не чувствувам задоволство поради тоа, бидејќи таму го вложив најдобриот дел од младоста, но и не само јас. Ги вложија и други своите животи, се изложија на опасности, придонесуваа. Верувам дека никој не е среќен, поради ова. Но тоа е реалноста.“

Share on Facebook

Tweet

Follow us

Save