Русија се закани: Одговорот за убиството на генерал Кирилов ќе биде големо изненадување!

Убиството на Игор Кирилов, началникот на силите за радијациона, хемиска и биолошка заштита на руските вооружени сили, се квалификува како терористички акт. Нашиот одговор ќе биде изненадување за организаторите, а последиците ќе бидат болни за оние кои се осмелија да го спроведат, изјави за Спутник Родион Мирошник, специјален пратеник на Русија во Киев.

Генерал-полковник Игор Кирилов, познат по изнесувањето обвиненија и докази за злосторства на Западот и режимот во Киев, особено поврзани со употребата на хемиско и биолошко оружје, беше убиен во експлозија во Москва во вторникот во раните утрински часови, додека напушташе зграда.
Само еден ден пред убиството на рускиот генерал и неговиот помошник, Украинската служба за државна безбедност (СБУ) го осуди Кирилов во отсуство за наводна употреба на забрането хемиско оружје во Украина.
Руските експерти сметаат дека зад убиството на генералот и неговиот помошник стојат западни и украински разузнавачки служби, бидејќи тој претставувал директна закана за нивните земји поради информациите и доказите што ги имал и кои јавно ги презентирал. Не е исклучена можноста зад ова злосторство да стојат американски и британски служби.
Мирошник забележува дека истражните органи покренале кривична постапка за тероризам, убиства и нелегално поседување оружје.

„Мислам дека конечните заклучоци за целиот синџир на организација, реализација и извршување на терористичкиот напад, како резултат на кој беше убиен генералот Кирилов, ќе ги утврдат нашите органи на прогонот, како и истражните органи. Тоа ќе бидат факти поткрепени со докази и мислам дека нема долго да чекаме за нив. Сега можеме да зборуваме за претпоставки“, вели Мирошник како одговор на прашањето кој би можел да стои зад убиството на рускиот генерал и неговиот помошник.
Генералот Кирилов активно предупреди на прекршување на меѓународните норми и употреба на забранети супстанции од страна на украинските сили и нивните сојузници. Неговите презентации имаа значително влијание во руските и светските медиуми.
Тој бескомпромисно ги разоткри злосторствата на украинските сили, кои користеа хемиско оружје против руските војници и цивилното население и ги разоткри активностите на американските биолошки лаборатории на територијата на Украина и другите постсоветски земји.
Тој презентираше сознанија и докази за провокациите на НАТО со хемиско оружје во Сирија, како и за британската манипулација со забранети хемиски супстанци и провокациите во Солсбери и Ејмсбери. Тој, исто така, предупреди дека Киев создава „валкана бомба“.
„Факт е дека генералот Кирилов беше јавна личност и човек кој презентираше темелно проверени и многу значајни докази за криминалните дела на украинскиот режим и употребата на забранети методи на војување. „Повеќе од 400 докази за употреба на хемиско оружје беа подготвени и анализирани во лаборатории кои беа под раководство на генералот Кирилов и предадени на меѓународните организации како доказ за криминалните дејствија на режимот во Киев и кршењето на меѓународните норми. употреба на забранети видови оружје“, вели Мирошник.

Share on Facebook

Tweet

Follow us

Save